مصر تقود تهدئة إيران
سياسة
القاهرة وروسيا .. شراكة الكبار
من قلب موسكو، وفجر جديد للعلاقات المصرية الروسية بيأكد إن القاهرة مش مجرد لاعب عابر في المنطقة، بل هي "رومانتة الميزان" وصمام الأمان الحقيقي للشرق الأوسط .
تصريحات الرئيس الروسي فلاديمير بوتين الأخيرة مش مجرد مجاملة دبلوماسية، دي وثيقة اعتراف دولية بوزن مصر السياسي والدبلوماسي اللي مفيش غنى عنه .
دبلوماسية نزع الفتيل .. الملف الإيراني على طاولة السيسي وبوتين
بوتين قطع الشك باليقين وأعلنها صراحة: "مصر هي الشريك الأهم لروسيا في الشرق الأوسط" .
الكلام ده ترجمته الحقيقية بتظهر في التنسيق العالي والمشاورات المستمرة والمباشرة بين الرئيس عبد الفتاح السيسي ونظيره الروسي لتهدئة الأوضاع المشتعلة مع إيران ونزع فتيل أزمات المنطقة .
التحرك المصري في الملف الإيراني بيعكس حنكة ورؤية ثاقبة، وقدرة على فتح قنوات اتصال متوازنة وهادية مع كل الأطراف، في وقت العالم كله واقف يتفرج وهو قلقان من أي تصعيد .
روسيا شافت في التحركات المصرية دي طوق النجاة، وعلشان كده بوتين أشاد بجهود الرئيس السيسي، وأكد إن الشراكة مع مصر هي المفتاح الأساسي للاستقرار والحل الشامل اللي بيبدأ -من وجهة النظر المصرية والثابتة- بتأسيس دولة فلسطينية كاملة الأركان وعاصمتها القدس .
مشهد اليوم يخليني أقول بملء الفم وبكل فخر واعتزاز: "مصر استعادت هيبتها ومكانتها الدولية كقوة إقليمية عظمى لا يمكن تجاوزها".
لما رئيس دولة بحجم روسيا يخرج ويقول بننسق مع الرئيس السيسي خطوة بخطوة في ملف معقد وشائك زي النزاع الإيراني، ده معناه إن الدبلوماسية المصرية رجعت تقود وتوجه الدفة، ومش مجرد رد فعل. مصر اليوم مش بتطلب مكانة، مصر بتفرض واقعها برؤيتها الحكيمة وثقلها الاستراتيجي، وبتثبت للعالم كله إن مفاتيح حل أزمات الشرق الأوسط كانت وهتفضل دايماً في "القاهرة".
Related Stories
Elsa3h © 2025
حان وقت الإنطلاق .. نظّم بريدك الوارد بطريقة جديدة!
كن على اطلاع دائم بكل قصة واشترك في نشرتنا الإخبارية.
بالمصداقية نبني الثقة .. وبالاحترافية نرتقي بالأداء